रघुगंगामा उत्कृष्ट कर्मचारीको रुपमा शिक्षा अधिकृत सुवेदी सम्मानीत

म्याग्दी ७ असार । म्याग्दीको रघुगंगा गाउँपालिकाले पहिलो पटक उत्कृष्ट कर्मचारी छनौट गरेर सम्मान गरेको छ । विहिवार गाउँपालिकाको सभाहलमा सम्पन्न १५ औँ गाउँसभाको अवसरमा उत्कृष्ट कर्मचारीको रुपमा गाउँपालिकाका शिक्षा अधिकृत कृष्ण प्रसाद सुवेदीलाई सम्मान गरिएको हो ।
पदिय जिम्मेवारीलाई इमान्दारिता, प्रभाबकारीता, मितव्ययिता र कशलताका साथ सम्पन्न गर्दै गाउँपालिकाको शैक्षिक गतिविधिहरु सञ्चालनमा महत्वपूर्ण योगदान गरेको भन्दै गाउँपालिकाले शिक्षा अधिकृत सुवेदीलाई सम्मान गरेको हो । कार्यक्रममा गाउँपालिका अध्यक्ष भवबहादुर भण्डारी, उपाध्यक्ष प्रेमकुमारी पुन र प्रमुख प्रशासकीय अधिकृत कृष्णप्रसाद ढकालले शिक्षा अधिकृत सुवेदीलाई अविर लगाएर दोसल्ला ओढाउँदै सम्मानपत्रद्धारा सम्मान गर्नुभएको थियो ।
कार्यसम्पादनका आधारमा उत्कृष्ट कर्मचारी छनौट गरी प्रोत्साहनका लागि सम्मान गर्ने कार्यक्रम अघि बढाईएको गाउँपालिका अध्यक्ष भण्डारीले बताउनुभयो ।