प्रेस युनियन म्याग्दीको सभापतिमा शर्मा चयन

म्याग्दी, २२ बैशाख । नेपाल प्रेस युनियन म्याग्दीको सभापतिमा राकेश शर्मा सर्वसम्मत चयन भएका छन् । युनियनको शुक्रवार बेनीमा सम्पन्न आठौँ बार्षिक साधारण सभा तथा छैठौँ अधिवेशनबाट दोस्रो कार्यकालका लागि शर्मा पुनः सभापति चयन भएका हुन् ।
अधिवेशनबाट समितिको उपाध्यक्षमा धनिला गर्वुजा, सचिबमा साधन राम्जाली, सहसचिबमा लिलकुमारी पुर्जा र कोषाध्यक्षमा सुरेन गुरुङ चयन भएका छन् । समितिको सदस्यहरुमा विप्लव कार्की ,जेनिसा पुरी ,मोहोन विक, विशाल विक ,नेत्रराज सुवेदी ,दलप्रसाद तिलिजा र विप्लव बानियाँ लगायत रहेका छन् ।
अधिवेशनको प्रतिनिधि सभा सदस्य खमबहादुर गर्वुजा( खमवीर)ले उद्घाटन गरेका थिए ।