तातोपानीमा ग्लोवल आइएमई बैंकको एक्सटेन्सन काउण्टर संचालन

 

म्याग्दी, ११ माघ । म्याग्दीको बेनी नगरपालिका–४,तातोपानीमा ग्लोवल आइएमई बैंक लिमिटेडले नयाँ एक्सटेन्सन काउण्टर संचालन गरिएको छ। पश्चिम भागमा बसोबास गर्ने जनतालाई लक्षित गर्दै तातोपानी बजारमा बुधबार ६३ औं एक्सटेन्सन काउण्टर औपचारिक रुपमा बेनी नगरपालिकाका मेयर सुरत केसीले शुभारम्भ गरेका हुन् ।

काउण्टरको उदघाट्न गदैं बेनी नगरपालिकाका मेयर सुरत केसीले वित्तिय संस्थाको पहुँचले बचत गर्ने बानीको विकास हुने बताए । मेयर केसीले ग्रामिण क्षेत्रमा बसोबास गर्नेलाई वित्तिय पहुँचसँगै दैनिक मजदुरी गर्नेहरूलाई समेत बचत गर्ने बानीको बिकास गराउन सहयोग पुग्ने धारणा राखे । उनले नगरपालिका भित्र बेनीबजार बाहेक पहिलोपटक बाणिज्य बैंकले तातोपानीमा स्थापना गरेका एक्सटेन्सन काउण्टरले जनतालाई बैंकिङ कारोबारका लागि सदरमुकाम धाउनुपर्ने बाध्यता हटेको बताए ।

नेपाल उद्योग वाणिज्य महासंघका पूर्व केन्द्रिय उपाध्यक्ष प्रमोद श्रेष्ठले तातोपानीमा स्नान गर्न आउने बिरामी, आन्तकिर तथा बाह्य पर्यटकलाई समेत सहज भएको बताए । कार्यक्रममा वडा सदस्य प्रेम पुन, तातोपानी कुण्ड ब्यवस्थापन समितिका अध्यक्ष बिरेन्द्रमान शाक्यले बाणिज्य बैंकले सेवा विस्तारले स्थानीयबासीलाई बचतमा सहयोग र तातोपानीमा डुब्न आउने पर्यटकलाई बैकिङ कारोबार गर्न सहज हुने धारणा राखे ।
सोही अवसरमा ग्लोबल आइएमई महेश सिलवालले सबै जिल्ला र ब्यापारिक केन्द्रमार्फत सर्वसाधारणलाई वित्तिय पहुँचमा राख्ने बैंकको लक्ष्य अनुसार अगाडी बढेको बताए । तत्काल काउण्टरको रुपमा सञ्चालन गरेपनि निकट भविश्यमा शाखा नै संचालन गर्ने उद्देश्य रहेको बताए ।

कार्यक्रममा बेनी शाखा प्रबन्धक शोकेन्द्र थापाले ऋण लगानीको कारोबार बाहेक अन्य सबै सुविधा यस शाखाबाट प्राप्त हुने जानकारी दिए । ग्लोबल आइएमईले बैंक अफ काठमाण्डौलाई मर्जर गरेपछि उत्तरी म्याग्दीको अन्नपूर्ण गाउँपालिकाको केन्द्र पोखरेबगरमा समेत एक्सटेन्सन काउण्टर विस्तार गरेको छ । हाल देशरभर देशभर ३६५ शाखा, २ सय २१ शाखारहित सेवा, ३ सय ६९ स्थानमा एटिएम र विदेशमा ३ वटा प्रतिनिधि सम्पर्क कार्यालय रहेको छ ।