प्रेस युनियनको केन्द्रीय सदस्यमा म्याग्दीका ध्रुवसागर शर्मा निर्वाचित

  • ९ श्रावण २०७९, सोमबार
  • 555 पटक पढिएको

म्याग्दी ९ साउन । नेपाल प्रेस युनियनको केन्द्रीय सदस्यमा म्याग्दीका ध्रुवसागर शर्मा निर्वाचित हुनुभएको छ । हेटौडामा सम्पन्न ९ औँ महाधिवेशनबाट गण्डकी प्रदेशको प्रतिनिधित्व गर्दै शर्मा लोकप्रिय मतका साथ केन्द्रीय सदस्यमा निर्वाचित हुनुभएको हो । गण्डकी प्रदेशको प्रतिनिधित्व गर्दै निर्वाचित हुने दूई जनाको कोटामा तीन जनाबिच प्रतिस्पर्धा भएको थियो ।

मतदानमा शर्माले ९०५ मत ल्याएर निर्वाचित हुनुभएको हो । दुई दशक बढी समयदेखि म्याग्दीमा पत्रकारितामा क्रियाशिल शर्मा नेपाल पत्रकार महासंघका केन्द्रीय पार्षद हुनुहुन्छ भने प्रेस युनियन म्याग्दीको संस्थापक अध्यक्ष समेत हुनुहुन्छ । शर्मा राष्ट्रिय समाचार समिति, हिमालय टाइम्स, इमेज टेलिभिजन, थाहा खवर रेडियो, अनलाईन लगायतका सञ्चार माध्ययममा आबद्ध हुनुहुन्छ । प्रेस युनियनको केन्द्रीय महासचिबमा बागलुङका दिलिप पौडेल र केन्द्रीय सदस्यमा पर्वतका साजन परियार, माया अधिकारी समेत निर्वाचित हुनुभएको छ ।