पत्रकारहरुले देश र जनताको पक्षमा कलम चलाउनु पर्छ: शर्मा,प्रेस संगठन बागलुङकाे नेतृत्व चयन

थम्मन थापा

फागुन २२ बागलुङ । प्रेस संगठन नेपालका सह इन्चार्ज ओम शर्माले जनताको पक्षमा, परिवर्तनको पक्षमा पत्रकारहरुले कलम चलाउनु पर्ने बताएका छन । प्रेस संगठन नेपाल बागलुङको जिल्ला भेलालाई सम्बोधन गर्दै सह इन्चार्ज शर्माले यस्तो बताएका हुन । शान्तिपूर्ण धार बाट समाज परिवर्तन गर्न सकिन्छ भनेर हिजो २ कम्युनिष्ट पार्टी मिलेर बनेको नेपाल कम्युनिष्ट पार्टी नेकपा निकट प्रेस संगठन नेपाल आवाज विहिन जनताको प्रतिनिधित्व गर्दै जीवन जगतलाई बुझेर समाज परिवर्तन गर्ने खालको पत्रकारिता गर्नुपर्ने उनले धारणा राखे ।

पत्रकारिता एउटा विश्व विद्यालय भएकोले नयाँ र नवीनतम खोजी पत्रकार सञ्चार माध्यमले गर्नुपर्ने उनको भनाई छ । प्रेस संगठन नेपाल जनताको प्रतिनिधित्व गर्ने जागरुक संगठन हुनु पर्ने शर्माले उल्लेख गरे । विचारलाई बुझेर अग्रगमन दिशा तर्फ लाग्नु पर्ने आजको आवश्यकता रहेको शर्माले बताए । यो कुनै व्यक्तिको विषय नभई पात्र र प्रवृत्तिको विषय भएको भन्दै गलत कार्यको पछि नलाग्न उनले आग्रह गरे ।

सो अवसरमा गण्डकी प्रदेश सांसद तथा नेपाल कम्युनिष्ट पार्टी नेकपा बागलुङका अध्यक्ष इन्द्रलाल सापकोटा, प्रदेश सांसद चन्द्र बुढा मगर, नेपाल पत्रकार महासंघ गण्डकी प्रदेश अध्यक्ष त्रिभुवन पौडेल, प्रेस संगठन नेपाल गण्डकी प्रदेश इन्चार्ज हरि नारायण गौतम, प्रेस संगठन नेपाल गण्डकी प्रदेश सह इन्चार्ज श्रीराम सिग्देल, तत्कालीन प्रेस चौतारीका उपाध्यक्ष नवराज सुवेदी, नेपाल पत्रकार महासंघ बागलुङका पूर्व अध्यक्ष मुकेशचन्द्र राज भण्डारी, नेपाल पत्रकार महासंघ बागलुङका अध्यक्ष दिल शिरीष, प्रेस युनियन बागलुङका अध्यक्ष प्रदीप पन्त, प्रगतिशील पत्रकार संघका जिल्ला सचिव विजय रानाले शुभकामना मन्तव्य राखेका थिए । कार्यक्रम प्रेस संगठन नेपाल बागलुङका सह इन्चार्ज राम थापाको अध्यक्षता, प्रेस संगठन नेपाल अनुशासन आयोगका कोपिला कँडेलको स्वागत मन्तव्य र तारानाथ आचार्यको सञ्चालनमा सम्पन्न भएको थियो ।

यसैबिचस भेलाले तारानाथ आचार्यको संयोजकत्वमा ३५ सदस्यीय समिति गठन गरेको छ । समितिको सह–संयोजकमा थम्मन थापा र दिनेश शर्मा, सचिवमा अनिश खाती रहेका छन्  ।सदस्यहरुमा सज्जन कुमार सिंह, राम प्रसाद घिमिरे, जीवनकला खत्री (सरिता), पूर्णभद्र निउरे, विमल खड्का, खगेन्द्र विश्वकर्मा, योगेश खड्का, योगेन्द्र विश्वकर्मा, देउमाया राना, जीवन पाण्डे, अनिश पाठक, कुम्बिर विश्वकर्मा, केहरसिंह राना, जीत खत्री, रोशन थापा, शान्त खत्री (मौसम), शर्मिला रोका, हेम विश्वकर्मा, आयसा आचार्य, मनीशा शर्मा, कृष्ण सापकोटा, रञ्जिता शर्मा, आयसा आचार्य, गणेश थापा, सुमन सुनार, तिलक घर्तीमगर, धन बहादुर विश्वकर्मा, सुमित्रा सुनार, गोपाल बुढा रहेका छन्  । ३ सदस्य पछि मनोनयन गर्ने बताइएको छ ।

१९ सदस्यीय सल्लाहकार समिति चयन गरिएको छ । समितिको सदस्यमा निर्मल बहादुर श्रेष्ठ, राजेशचन्द्र राज भण्डारी, बद्री प्रसाद शर्मा, कमल पौडेल, झपेन्द्र क्षेत्री, वीर बहादुर चोखाल, हिमाल शर्मा, राज थापा, वेलुकाजी थापा, महेन्द्र घर्ती (संगम), मुकेशचन्द्र राज भण्डारी, राजु खड्का, कोपिला कँडेल, सूर्य गौतम, विमला गौतम, राम थापा, मित्र खरेल, कृष्ण कँडेल र ज्ञान बहादुर सिंह रहेका छन् ।