प्रहरी निरिक्षक रहेका श्रीमानबाटै पीडीत बनेको भन्दै महिलाले मागिन न्याय

म्याग्दी १५ मंसिर । महिला हिंसा विरुद्धको १६ दिने अभियान चलेकै बेला म्याग्दीमा एक महिलाले श्रीमानबाट पीडित बनेको भन्दै न्याय मागेकी छिन् । प्रहरीमै पुगेर न्याय माग्ने महिलाका श्रीमान प्रहरी अधिकृत नै हुन् । बेनी बजार निवासी स्मृति शर्मा र जिल्ला प्रहरी कार्यालयका प्रहरी निरिक्षक धु्रव शर्माबिच केहि महिनाअघि प्रेम विवाह भएको थियो । विवाह भएको केहि महिनामै सम्वन्धमा खटपट आउन थालेपछि महिलाले प्रहरी निरिक्षक समेत रहेका श्रीमानबाट आफु पीडित भएको भन्दै न्याय मागेकी हुन् ।

                                                शर्मा दम्पती । तस्बिर स्मृति शर्माकाे फेसबुकबाट
जिल्ला प्रहरी कार्यालय म्याग्दीबाट सरुवा भई प्रहरी निरिक्षक शर्मा मंसिर पहिलो साता बैदाम प्रहरी चौकी, पोखरामा पुगेका छन् । यहाँबाट जाँदा निरिक्षक शर्माले आफुसंगको सबै सम्पर्क विच्छेद गरेको र आफुलाई अल्पत्र पारेर गएको तथा पटक पटक खोजविन गर्दा समेत सम्पर्कमा नआएपछि स्मृतिले जिल्ला प्रहरी कार्यालमा खोजि गरि न्याय दिलाईदिनका लागि उजुरी दिएको जनाएकी छिन् । परेको निवेदनका आधारमा रमना लिएर गएका प्रहरी निरिक्षकलाई झिकाएर दुबै पक्षलाई आपसमा पहिलो चरणको छलफल गरेको जिल्ला प्रहरी कार्यालयका प्रमुख प्रहरी नायब उपरिक्षक किरणजंग कुँवरले जानकारी दिए ।

‘‘दुबैपक्षलाई आपसी विवाद निरुपणका लागि मेलमिलाप गराउनु पहिलो प्राथमिकता हो, दुबै पक्षका कुरा सुन्दा उस्तै लाग्छन्, मेलमिलापको अबस्थामा पुग्न नसके आबश्यक कानुनी प्रकृयाबाट उजुरीको कारबाहि अघि बढ्छ’’–प्रनाउ कुँवरले भने । प्रहरीले दुबै पक्षलाई राखेर गरेको छलफलमा दुबै पक्षले एकले अर्कालाई दोषारोपण गरेका थिए । ‘‘म श्रीमानबाट पीडित भएँ भनेर पटक पटक जिप्रका प्रमुखलाई गुनासो गरेँ, प्रमुख ज्यूले पनि घरेलु हिंसामा शुन्य सहनसिलता अपनाउने बचन दिनुभयो, न्याय पाउन सकिन’’– स्मृतिले सामाजिक सञ्जाल मार्फत भनेकी छिन् ।

तत्कालिन समयमा जिल्ला प्रहरी कार्यालयमा कार्यरत प्रहरी निरीक्षक ध्रुव शर्मा बिच चिनजान हुँदै जाँदा प्रेम सम्बन्धमा बाँधिन पुगेको र आफुहरुबिचको घनिष्ट सम्बन्धकै कारण आफुमा गर्भ रहन गएको र आफुहरुको विवाह पश्चात विभिन्न बाहाना बनाएर दबाब दिएर गर्भपतन गर्न बाध्य बनाएको स्मृतिले सार्वजनिक गरेकी छिन् । उनले शर्मालाई आफ्नो श्रीमानको रुपमा स्विकार गरेको र छुटीन नसक्ने समेत बताएकि छिन् ।

यता प्रहरी निरिक्षक शर्माले भने कानुनी रुपमा आफुले विवाह गरिसकेपछि श्रीमतीको रुपमा स्विकार गरेको र पारिवारीक रुपमा दम्पतीबिचमा खटपट आएको स्विकार गरेका छन् । ‘‘ मेरो सरुवा भएपछि म पोखरा गएँ, त्यो कुरा श्रीमतीलाई जानकारी दिएकै हुँ, नयाँ ठाउँमा काम सुरु गर्दा एक÷दुई दिन सम्पर्क टुटेको हुनसक्छ, मेरो दम्पतीको खटपटको बारेमा एक्कासी सामाजिक सञ्जालमा सार्वजनिक भएपछि म आश्चर्यमा परेँ’’–उनले भने । अहिले ममाथि चरित्रहत्या समेत गरिरहेको अबस्था छ, उनी घरमै बस्न चाहेपनि म राख्छु भन्दै आएको छु, अहिले खटपट आएको छ, समस्या पनि छन् तरपनि आफ्नो श्रीमतीको रुपमा गर्नुपर्ने अन्य दायित्व र भुमिका निर्वाह गर्न प्रतिबद्ध छु’’– शर्माको जिकिर छ ।