जनार्दन शर्मा पार्टी एकताकै पक्षमा

 काठमाडौं, ८ साउन । सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डको निजी सचिवालयले जनार्दन शर्मा (प्रभाकर) को बचाउ गरेको छ । प्रेस संयोजक विष्णु सापकोटाले वक्तव्य जारी गर्दै पार्टीको आन्तरिक बहसलाई लिएर नेताहरुमाथि लगाइएको आरोप निन्दनीय भएको बताएका छन् ।

तीन अगाडि पनि प्रभाकरले सामाजिक सञ्जालमार्फत यही कुराको खण्डन गरेका थिए । आफूविरुद्धको दुष्प्रचारलाई ‘पार्टी एकताबाट मर्माहत प्रवृत्ति’ भन्दै उनले एकताको पक्षमा दृढतापूर्वक उभिन सबैलाई अपिल गरेका थिए ।

कुनै पद प्राप्तिको लोभविना पार्टी आन्दोलनको रक्षा गर्न आफू लागेको प्रभाकरको भनाइ छ ।