नेपालमा कोरोना संक्रमितको संख्या ४५ पुग्यो, थप २ जना डिस्चार्ज

काठमाडौं, १० बैशाख । नेपालमा कोरोना संक्रमितको संख्या आज पनि थपिएको छ । आज थपिएका ३ जनासंगै नेपालमा कोरोना संक्रमित हुनेको सख्ंया ४५ पुगेको छ ।

धरानमा भएको पीसीआर परीक्षणमा तीनजनाको रिपोर्ट पोजेटिभ आएको स्वास्थ्य मन्त्रालयले जनाएको छ । मन्त्रालयका अनुसार २४, ६० र ७२ वर्षका नागरिकमा कोरोना पोजेटिभ देखिएको छ ।

त्यसैगरी सेती अस्पतालमा उपचार गराइरहेका एकजना र टेकु अस्पतालमा उपचार गराइरहेका एकजना गरी दुईजना डिस्चार्ज भएका छन् । अहिलेसम्म डिस्चार्ज हुनेको संख्या ७ पुगेको छ भने कोरोना संक्रमितको संख्या ४५ पुगेको छ ।