दग्नाममा बोलेरो दुर्घटना, ८ जना घाईतेमध्ये दुई जनालाई हेलिकप्टर मार्फत पोखरा (भिडियो सहित)

म्याग्दी ७ चैत । म्याग्दीको रघुगंगा गाउँपालिका –४ दग्नाममा शुक्रवार विहान भएको बोलेरो जिप दुर्घटनामा ८ जना घाईते भएका छन् । दग्नामको कान्छीगाउँबाट बेनीतर्फ आउन लागेको ग २ च ५९८८ नम्बरको बोलेरो जिप भिरालो ठाउँमा रोकिराखेको ठाउँबाट चालकरहित अबस्थामा गुड्दा दुर्घटना भएको थियो ।

दुर्घटनामा परि घाईते भएकाहरुमध्ये गम्भिर दुई जनालाई बेनी अस्पतालमा उपचार पश्चात थप उपचारको लागि पोखरा रेफर गरिएको छ । घाईते ९ बर्षिया मिञ्जा पुन र ४१ बर्षिय भदेवी गर्वुजालाई थप उपचारको लागि एयर डाइनेष्टीको हेलिकप्टर मार्फत मणिपाल अस्पतालमा पठाईएको जिल्ला प्रहरी कार्यालयका सूचना अधिकारी प्रहरी निरिक्षक धु्रवप्रसाद शर्माले जानकारी दिनुभयो ।

दुर्घटनामा परेर सुकमायाँ गर्वुजा, युवी गर्वुजा, मनबहादुर तीलिजा, हमायाँ पुन, बर्षा शेरपुञ्जा, साविना शेरपुञ्जा घाईते भएको प्रहरीले जनाएको छ । उनीहरुको बेनी अस्पतालमै उपचार भैरहेको र उनीहरुको अबस्था खतरामुक्त रहेको जनाईएको छ । दुर्घटना पश्चात स्थानीयबासी, जनप्रतिनिधि, सुरक्षाकर्मीहरु मार्फत घाईते भएकाहरुको उद्धार गरिएको थियो । गम्भिर घाईतेको अबस्थालाई मध्यनजर गरि हेलिकप्टरको व्यवस्था गरि पोखरा पठाईएको गाउँपालिका अध्यक्ष भवबहादुर भण्डारीले बताउनुभयो ।