तरकारी खेती तालिम सञ्चालन

 

बेनी १७ चैत । बेनीमा युवा लक्षित व्यवसायिक तरकारी खेती तालिम सञ्चालन भएको छ ।  कृषि ज्ञान केन्द्रको आयोजनामा फागुन १५ गते सुरु भएको तालिम २० गतेसम्म सञ्चालन हुने जनाइएको छ । तालिममा म्याग्दीको विभिन्न वडाका २४ जना कृषकहरुको सहभागिता रहेको छ ।

तालिमको कृषि ज्ञान केन्द्रका प्रमुख नरेशचन्द्र घिमीरे, बागबानि विकास अधिकृत भोजबहादुर थापा, कृषि अर्थविज्ञ तप्तबहादुर गुरुङ र बाली संरक्षण अधिकृत सुजित पौडेलले सहजिकरण गरेका छन् ।युवा कृषकहरुलाई व्यवसायिक तरकारी खेतीतर्फ आकर्षित गर्ने र उनिहरुलाई प्राबिधिक, ज्ञान सिप प्रदान गर्ने उद्देश्यले तालिम सञ्चालन गरिएको कार्यालयले जनाएको छ ।