तातोपानीमा लगानी प्रताबसंगै व्यवस्थापन विवाद !

पछिल्लोपटक सपरिवार पूर्वप्रधानमन्त्री एवं नेकपा अध्यक्ष पुष्पकमल दाहाल प्रचण्ड र गृहमन्त्री रामबहादुर थापा पनि यहाँ आएका थिए । ‘दुर्गम बस्तीका विपन्न समुदायले परम्परादेखि नै रैथाने पद्धतिबाट उपचार गराउँदै आएको प्राकृतिक अस्पताल मानिएको तातोपानीलाई धेरै आम्दानी हुने लोभमा व्यापारीकरण गर्ने पक्षमा स्थानीय छैनन्,’ तातोपानी कुण्ड व्यवस्थापन समितिका अध्यक्ष वीरेन्द्रमान शाक्यले भने, ‘प्राकृतिक स्रोतमा सबै वर्ग र समुदायको हक सुरक्षित गरेर सबैको संयुक्त प्रयासमा पनि व्यवस्थापन गर्न सकिन्छ ।’ प्रस्ताव आएको अवस्थामा अध्ययन गरेर मात्रै निष्कर्षमा पुग्नु उचित हुने उनले बताए ।