स्तरोन्नतीका लागि बेनी–दरवाङको बैकल्पीक सडक प्रयोगमा ल्याईने

म्याग्दी ५ चैत । म्याग्दीको बेनी–दरवाङ सडक स्तारोन्नतीका लागि बेनी देखि चुत्रेनी खण्डमा बैकल्पीक सडकलाई प्रयोगमा ल्याइने भएको छ । दिउँसोको समयमा सवारी सञ्चालनसंगै सडक फराकीलो बनाउने काम गर्दा जोखिम र काम प्रभावीत बनेपछि सवारी रोकेर काम गर्ने निर्णय भएको हो । प्रमुख जिल्ला अधिकारी कृष्णप्रसाद अधिकारीले सडक डिभिजन कार्यालय, यातायात ब्यवसायी, निर्माण कम्पनी र सरोकारवालाहरुको सोमबार बसेको बैठकले मंगलबारदेखिनै बेनी देखि चुत्रेनी खण्डको सडक दिउँसोमा बन्द गरेर निर्माणको काम गर्ने निर्णय भएको जानकारी दिनुभयो ।

सवारी आवत जावत बन्द गरेर काम गर्दा सजिलो र छिटो हुने उहाँको भनाई छ । पहिलो चरणमा सडक फराकीलो बनाउने, रिनेटीङ र ग्यावीयन पर्खाल लगाउने काम सुरु गरेको भएको छ । सडक डिभिजन कार्यालय बागलुङका ईञ्जिनियर थानेश्वर खत्रीले सवारी आवत जावत बन्द गरेर काम गर्दा आयोजनाले तिब्रता पाउने र समयमै सम्पन्न हुने बताउनुभयो ।

एघार मिटर फराकीलो हुने सडकको सात मिटर चौडाईमा कालोपत्रे गरिने भएको छ । पहिलो चरणमा बेनी देखि बाबियाचौर सम्मको सडक कालोपत्रे हुनेछ भने त्यहाँदेखि दरवाङ सम्मको कालोपत्रेको लागि अर्को प्याकेजमा काम गर्ने डिभिजनको तयारी छ । सडक कालोपत्रे भएपछि हाल साढे दुई घण्टा लाग्ने यात्रा अवधि छोटीएर तिस मिनेटमा पुरा गर्न सकिनेछ । सवारी र ढुवानी भाडा घट्नेछ । म्याग्दीका साथै बागलुङको तमानखोला, रुकुम र डोल्पाका बासिन्दा पनी लाभान्वित हुने जनाइएको छ ।