माघे संक्रान्ति पर्वको अबसरमा छन्त्याल समाज पोखरामा भलिबल प्रतियोगिता सुरु ( भिडियो सहित )

पोखरा, २ माघ । माघे संक्रान्ति पर्वको अवसरमा सोमबार देखि पोखराको नदीपुर स्थित छन्त्याल समाज घरमा अन्तर क्लव स्तरिय महिला ÷ पुरुष भलिवल प्रतियोगिता सुरु भएको छ । सोमबार भएको उद्घाटन खेलमा म्याग्दीको मण्डली युवा क्लवले आयोजक छन्त्याल युवा संघको बी समुहलाई २–० को सोझो सेटमा पराजित गरेको हो ।

भिडियो

माघ ४ गतेसम्म संचालन हुने प्रतियोगितामा ८ टिमको सहभागिता रहेको छन्त्याल युवा संघ कास्कीका अध्यक्ष कुसल घरब्जा छन्त्यालले बताए । उनका अनुसार पुरुष तर्फको खेल मंगलबार देखि सुुरु हुने भएको छ । प्रतियोगितामा महिला तर्फ विजेता हुने टिमलाई २५ हजार र उपविजेतालाई १५ हजार प्रदान गरिने भएको छ भने पुरुष तर्फ प्रथम हुनेले ४५ हजार र दोश्रो हुनेले ३० हजार साथमा ट्रफि मेडल र प्रमाण पत्र प्राप्त गर्ने भएका छन् ।

यसै बिच उक्त प्रतियोगिता सहितको माघे संक्रान्ति मेलाको उद्घाटन वडा प्रहरी कार्यालय कास्कीका प्रहरी निरिक्षक दुर्गा प्रसाद श्रेष्ठले गरेका थिए । संघका अध्यक्ष भक्त बहादुर छन्त्याल, महिला संघका निवर्तमान अध्यक्ष माया तथाब्जा छन्त्याल, सल्लाहकार तुल बहादुर घ्याप्चन छन्त्याल, संघका सचिव वम बहादुर छन्त्याल लगायतले कार्यक्रममा वोलेका थिए । नेपाल छन्त्याल संघ कास्की र छन्त्याल युवा संघको संयुक्त रुपमा आयोजना भएको कार्यक्रममा विभिन्न जातका कन्दमुल, माघे सक्रान्तिको अवसरमा खाईने परिकार समेत प्रदर्शन भएको थियो भने सांस्कृतिक कार्यक्रम समेत प्रस्तुत भएको थियो ।