अर्मादीमा दुर्घटना हुदा म्याग्दी का दुई जना घाइते

पर्वतको कुश्मा नगरपालिकाको अर्मादीस्थित मध्य पहाडी लोकमार्गमा बालेरो जिप र मोटरसाइकल एकआपसमा ठक्कर खाँदा बाइकमा सवार म्याग्दीका दुई जना घाइते भएका छन् ।

कुश्मा नगरपालिका –१ अर्मादीमा नेर कुश्माबाट बागलुङ जाँदै गरेको ध १ ज ११२६ नम्वरको बोलेरो गाडी र विपरित दिशाबाट आउँदै गरेको ग १४ प ७१६२ नम्वरको मोटरसाइकल एकआपसमा ठोकिएका थिए । दुई सवारी ठक्कर खाँदा मोटरसाइकल चालक म्याग्दी जिल्ला धौलागिरी गाउँपालिका २ का वाइक चालक मिलन गोतामेको दायाँ घुडामा र मुखमा चोट लागेको छ भने बाइक पछाडि सवार सोही ठेगाना भएकी निरुता गोतामेलाई दायाँ खुट्टामा चोट लागेको छ ।

जिल्ला प्रहरी कार्यालयका प्रमुख विजय यादवका अनुसार घटनास्थलमा उद्धार टोली परिचालन गरी घाइते दुवै जनालाई उपचारका लागि प्रदेश अस्पताल पर्वत कुश्मा पुराइएको छ । अस्तपातका अनुसार दुवै घाइतेको स्वास्थ्य अवस्था मध्यम छ ।

बाग्लुङ जिल्ला बरेङ गाउँपालिका –५ घर भएका बोलेरो चालक लोकेन्द्र खत्रीलाई अनुसन्धानका लागि नियन्त्रणमा लिएको जिल्ला प्रहरी कार्यालय पर्वतले जनाएको छ ।