अन्नपूर्णमा नमुना युवा गाउँ सभा अभ्यास सुरू

म्याग्दी । म्याग्दीको अन्नपूर्ण गाउँपालिकाको शिक्षा, युवा तथा खेलकुद शाखाद्वारा नमुना युवा संसद कार्यक्रम अन्तर्गत सञ्चालित तिन दिने नमुना युवा संसद अभ्यास तथा नमुना गाउँ सभा अभ्यास एवम् प्रशिक्षण कार्यक्रम वुधबारबाट सुरु भएको छ । कार्यक्रममा गाउँपालिका अध्यक्ष भारतकुमार पुनले सक्षम नागरिक तयार गर्ने, पालिको विकासको लागि युवाहरुलाई सबल, प्रतिस्पर्धी र आत्मनिर्भर बनाउँदै सार्थक सहभागिता सुनिश्चित गरी गाउँपालिकालाई आधुनिक, न्यायपूर्ण र समृद्ध बनाउने उद्देश्यसहित पालिका विभिन्न तालिम र आयआर्जन सम्बन्धी कार्यक्रमहरु संचालन गरेको बताउनुभयो र गाउँपालिकाका प्रमुख प्रशासकीय अधिकृत अमृत सुबेदीले यस प्रशिक्षणले युवाहरुमा उद्यमशीलता विकासमा थप सहयोग पुग्ने बताउनुभयो । पालिका भित्रका करिब ४० जना युवाहरुलाई राष्ट्रिय युवा परिषद्का पूर्व अध्यक्ष विवेक त्रिपाठीले प्रशिक्षण दिनुहुने छ । कार्यक्रम गाउँपालिकाको सामाजिक विकास संयोजक वडा नं. २ का वडा अध्यक्ष ओम फगामीको अध्यक्षता शिक्षा अधिकृत गणेश बहादुर कटुवालको संचालनमा उद्घाटन कार्यक्रम सम्पन्न भएको थियो ।