झाँकी प्रदर्शन सहित छैठौ म्याग्दी महोत्सव सुरु (फोटो फिचर)

म्याग्दी २८ पुस । सदरमुकाम बेनीमा छैठौ म्याग्दी महोत्सव, माघे संक्रान्ति मेला एवंम ४ नम्बर प्रदेश स्तरीय कृषि, आद्यौगीक ब्यापारीक मेला सुरु शुक्रवारदेखि सुरु भएको छ । म्याग्दी उद्योग वाणिज्य संघको मुल आयोजनामा सुरु भएको महोत्सव माघ ७ गतेसम्म सञ्चालन हुनेछ ।

म्याग्दीमा रहेका विभिन्न जातजाती र संघ संस्थाहरुको पहिचान झल्कने झाँकी सहितको ¥यालीले बजार परिक्रमा पश्चात खुलामञ्चमा महोत्सवको औपचारिक रुपमा उद्घाटन गरिएको थियो । सो अवसरमा विभिन्न जातजातीहरुले आफ्नो कला संस्कृति समेत प्रदर्शन गरेका थिए ।

स्थानीय उत्पादनको बजार प्रर्वद्धन, कला र संस्कृतीको संरक्षण, पर्यटन, कृषि, जलविद्युत, खनिज र पशुपालन क्षेत्रको सम्भावनाको उजागर गरि लगानी भित्र्याउने र ब्यापार प्रर्वद्धन गर्ने महोत्सवको मुख्य उद्देश्य रहेको छ ।

पुर्व प्रधानमन्त्री एवम् माओवादी केन्द्रका अध्यक्ष पुष्पकमल दाहाल प्रचण्डले उद्घाटन गर्नुभएको महोत्सवमा स्थानीय उत्पादन, कृषि, पशुपालन र राष्ट्रिय आन्तराष्ट्रिय औद्योगिक प्रर्दशनीका साथै स्थानीय तह स्तरीय महिला पुरुष भलिबल, बास्केटबल, लोकदोहोरी गित प्रतियोगिता, कलाकारहरुबाट गित तथा नृत्य प्रस्तुती, झाँकी प्रर्दशनी, रमाईलो मेला महोत्सवको आकर्षण रहेको संघका अध्यक्ष उत्तम कर्माचार्यले बताउनुभयो ।

पर्यटन प्रर्वद्धनका लागि कालीगण्डकीमा ¥याफ्टीङ र बेनी देखि लभहिलसम्म घोडा सफारी गराइने भएको छ । महोत्सवमा स्थानीय उत्पादनका स्टललाई निशूल्क प्रर्दशनीको व्यवस्था मिलाइएको छ । जिल्लामा रहेका १ नगरपालिका सहित ५ वटै गाउँपालिकामा रहेका स्थानीय घरलु उत्पादन र खनीज लगायतका सामानहरु पदर्शनीमा राखिएका छन् । महोत्सवलाई लक्षित गरेर बेनीका बासिन्दाले बजार झकीझकाउ बनाएका हुन् । बेनीको सार्वजनीक स्थल सरसफाई गरेर चिटिक्क बनाइएको छ ।

महोत्सवमा पर्यटन प्रवद्र्धनको लागि फोटो प्रर्दशनी, डकुमेन्ट्री प्रर्दशन, नजीकका पर्यटकीय ठाउँमा भम्रणको लागि यातयातको व्यवस्था, कालिगण्डकी नदीमा ¥याफ्टीङको समेत व्यवस्था मिलाईएको दितृय उपाध्यक्ष राजेश शाक्यले बताउनुभयो । महोत्सवमा डेढ लाख आन्तरीक तथा बाह्य पर्यटक भित्र्याउने लक्ष्य राखिएको छ भने छ करोडको कारोबार हुने अनुमान गरिएको छ ।

महोत्सव अवलोकनका लागि रु १ हजार र २ हजारका शिषेश टिकट सहित रु ५० को न्युनतम टिकट व्यवस्था गरिएको छ भने महोत्सवलाई शान्त रुपमा सम्पन्न गर्नका लागि महोत्सव स्थल वरपर सिसी क्यामेरा जडान गरि अवलोकन समेत गरिनेछ । महोत्सव स्थलमा राखिने फोटो प्रदशनीमा म्याग्दीका पर्यटकीय क्षेत्रहरुको तस्बिर संगै म्याग्दीको ५० बर्ष अगाडीका विभिन्न ठाउँमा खिचिएका ऐतिहाँसिक तस्बिरहरुलाई समेत समावेश गरिएको फोटो प्रदशनीका संयोजक भोजबहादुर रिजालले बताउनुभयो ।

त्यस्तै महोत्सवको अबसरमा लोक संस्कृतिको संरक्षणको लागि लोपउन्मुख बनेको रत्यौली गित प्रतियोगिता, दोहोरीगित, खुला नृत्य लगायतका प्रतियोगिता संगै झाँकी प्रदशन र राष्ट्रिय तथा स्थानीय कलाकारहरुको साँगेतिक प्रस्तुती लगायतका कार्यक्रमहरुलाई समेत समावेश गरिएको प्रथम उपाध्यक्ष सुविन श्रेष्ठले बताउनुभयो । कार्यक्रममा स्थानीय विभिन्न जातजातीको मौलिक नाचहरु संगै चर्चित राष्ट्रिय कलाकारहरुको समेत विशेष प्रस्तुतीहरु राखिएको संघका बरिष्ठ उपाध्यक्ष बेलबहादुर कटुवालले बताउनुभयो ।