म्याग्दी क्याम्पसमा स्ववियु निर्वाचनः सभापतिमा चार संगठनको उम्मेदवारी

म्याग्दी सदरमुकाम बेनीमा रहेको म्याग्दी बहुमुखी क्याम्पसमा हुन लागेको स्वतन्त्र विद्यार्थी युनियन( स्ववियु निर्वाचनका लागि नेपाल विद्यार्थी संघ, अखिल (क्रान्तिकारी) अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) र अखिल नेपाल विद्यार्थी युनियन (समाजवादी) का उमेद्वारहरुले मनोनयनपत्र दर्ता गराएको निर्वाचन समितिका संयोजक पशुपतिनाथ ढकालले जानकारी दिनुभयो ।

निर्वाचन कार्यतालिका बमोजिम मंगलवार पत्यक्ष र समानुपातिक तर्फको मनोनयनको समय तोकिएको थियो ।
म्याग्दी क्याम्पसमा विद्यार्थी संगठनले दर्ता गरेको उम्मेदवारी बमोजिम नेविसंघबाट संगम चोखाल क्षेत्री, अखिल (क्रान्तिकारी) बाट सन्दीप खत्री, अनेरास्ववियुबाट दिनेश खत्री र अखिल नेपाल विद्यार्थी युनियन( समाजवादी)बाट मनिषा दर्जी सभापति पदको उम्मेद्वार बन्नुभएको छ ।

नेविसंघबाट प्रतिभा बानिया सचिव, यशु खत्री कोषाध्यक्ष, प्रत्यक्ष निर्वाचित हुने सदस्यमा विशाल बिक, छिमा पुन (युना), ढकबहादुर भण्डारी (सुदिप), सम्पूर्ण जि.सी., अनुपम श्रेष्ठ र समानुपातिकतर्फ रेजिता भण्डारी, अजय मल्ल, रुपा सापकोटा, पूर्णीमा कार्की, लिलाबहादुर खत्री, कुशल बानिया र सुमन बिकको उमेद्वारी परेको छ ।

अखिल(क्रान्तिकारी)बाट सचिवमा कृष्ण सापकोटा, कोषाध्यक्षमा सुप्रेना किसान, प्रत्यक्ष निर्वाचित हुने सदस्यहरुमा रेशम केसी, विनिता बुढा, सुवास कटुवाल, विलोम मल्ल र गणेश खड्काको उमेद्वारी परेको छ । अखिल क्रान्तिकारीबाट समानुपातिकतर्फ शिवराम गौतम, सृष्टि खड्का, आज्ञा पौडेल, अनिता वर्देवा, सुविना कार्की, सृष्टि खत्री र सिम्रन पौडेलको उमेद्वारी परेको छ ।

अनेरास्ववियुबाट सचिवमा मञ्जुर कटुवाल क्षेत्री, कोषाध्यक्षमा अस्मिता भण्डारी प्रत्यक्ष निर्वाचित हुने सदस्यहरु तर्फ किशोर खड्का, अबिजित शाही, संगम तिलिजा पुन, अस्मी परियार, र एलिसा गर्बुजा उम्मेदवार बन्नुभएको छ भने समानुपातिकतर्फ सफल खत्री, एलिसा बरुवाल, सफल खत्री, विजन खड्का, सुस्मिता शर्मा, मनिषा हमाल र स्नेहा रामदामको उमेद्वारी परेको छ ।

अखिल नेपाल विद्यार्थी युनियन (समाजवादी)बाट समानुपातिकतर्फ झर्ना परियारको मात्र उमेद्वारी दर्ता भएको छ ।स्ववियूमा उपसभापति र सहसचिब समानुपातिकतर्फ निर्वाचित हुने सदस्यहरुतर्फबाट चुन्ने व्यवस्था छ । चैत्र पाँच गते हुने स्ववियु निर्वाचनका लागि म्याग्दी क्याम्पसमा ८२४ जना मतदाता छन् ।