म्याग्दी जेसीजको “नवबर्ष शुभकामना आदान प्रदान तथा क्यालेन्डर बिमोचन “

म्याग्दी, २ वैशाख । म्याग्दी जेसीजले नव बर्ष २०८१ को उपलक्ष्यमा नव बर्ष शुभकामना आदान प्रदान कार्यक्रम तथा क्यालेन्डर बिमोचन कार्यक्रम सम्पन्न गरेको छ । म्याग्दी जेसीजका शाखा अध्यक्ष दिनेश बानियाँको अध्यक्षता, संस्थापाक अध्यक्ष तथा बेनी नगरपालिका–७ का वडा अध्यक्ष रमेश कुमार श्रेष्ठको प्रमुख आतिथ्यता,म्याग्दी जेसीजका पूर्व अध्यक्ष बिजय श्रेष्ठ र पुर्व अध्यक्ष तथा म्याग्दी उद्योग बाणिज्य संघका अध्यक्ष सुबिन श्रेष्ठको बिशिष्ट आतिथ्यता रहेको कार्यक्रमको संचालन कार्यक्रम संयोजक म्याग्दी जेसिजका साधारण सदस्य आशिक भण्डारिले गरेका थिए ।
नव बर्ष २०८१ को भित्रे क्यालेन्डर छपिएको र उक्त क्यालेन्डरहरु म्याग्दी जिल्लाका सबै पालिकाहरुमा बितरण गरिने क्यालेन्डर प्रकाशन समितिका संयोजक तथा शाखा सम्पादक अनिल पौडेलले जानकारी दिए । प्रमुख अतिथि संस्थापक अध्यक्ष श्रेष्ठले जेसिजको यो नियमित कार्यक्रमले जेसिज सदस्यहरु बिच आपसि सम्बन्ध र बन्धुत्वको भावना बिकास गराउनेमा जोड दिनुभयो ।