पाठेघरको मुखको क्यान्सर पहिचान गर्न शिविर

पिप्ले, २० फागुन । म्याग्दीको रघुगंगा गाउँपालिकाको स्वास्थ्य शाखाको आयोजनामा शुक्रबार वडा नम्बर ३ पिप्लेमा पाठेघरको मुखको क्यान्सर पहिचान गर्न स्कृनिङ शिविर सम्पन्न भएको छ ।

समयमै समस्याको पहिचान गरेर उपचारको व्यवस्था मिलाउने उद्देश्यले गाउँपालिकाको स्वास्थ्य शाखाको आयोजनामा ३० देखि ६० वर्ष उमेर समुहका महिलाहरुको लागि पाठेघरको मुखको क्यान्सर (भिआइए) स्कृनिङ) शिविर गरिएको हो ।

शिविरमा ६४ जनाको परिक्षण गरिएकोमा भिआइए पोजेटिभ देखिएका १३ जना शंकास्पद बिरामीलाई थप उपचारका लागि अस्पताल प्रेषित गरिएको गाउँपालिकाको स्वास्थ्य शाखा प्रमुख टिकाबहादुर शाहीले जानकारी दिनुभयो ।

बेनी अस्पतालका स्त्री रोग विशेषज्ञ डा स्मृति शाही, भगवति स्वास्थ्य चौकीका अनमी नानु जिसी, पिप्ले स्वास्थ्य चौकीका स्वास्थ्यकर्मीहरुले सेवा दिनुभएको शिविरमा पिप्लेको धरमपानी आमा समूहले खाजा र पानीको व्यवस्था मिलाएका थिए ।