सिंगामा महिलाहरुको क्षमता अभिवृद्धि कार्यक्रम

म्याग्दी, १ चैत । बेनी नगरपालिका– ४ सिंगामा ‘महिलाहरुलाई क्षमता अभिवृद्धि’ कार्यक्रम गरिएको छ। वडाको समन्वय र ठुलोखोला महिला कृषक समुहको आयोजनामा सिंगास्थित हरियाली ग्रुपको सभाहलमा भएको महिलाहरुको क्षमता अभिवृद्धि कार्यक्रममा ६० जना भन्दा बढी महिलाहरुको सहभागितामा भएको थियो ।

कृषक समुह, आमासमुह लगायत क्षेत्रमा आवद्धता भएका महिलाहरुको उपस्थित रहेको अन्तरक्रियामा घरेलु महिला हिंसा कसरी हुन्छ, यसलाई न्यूनिकरण, महिलाहरुको नेतृत्व र क्षमता विकास कसरी गर्ने र समाजमा महिलाहरुको भूमिका विषयमा प्रशिक्षण सामाजिका विकास कार्यालय म्याग्दीका प्रमुख रमेश थापा, बेनी नगरपालिकाका अधिकृत युवराज थापा, जिल्ला प्रहरी कार्यालयका प्रहरी निरिक्षक नवराज केसीले गर्नुभएको थियो ।

ठुलोखोला महिला कृषक समुहकी अध्यक्ष मिना कार्कीको अध्यक्षतामा भएको कार्यक्रममा वडाअध्यक्ष गोविन्द्र पौडेल, धवलागिरी माविका अध्यक्ष अर्णबहादुर खड्काको उपस्थित रहेको थियो । कार्यक्रमको सहजीकरण वडासचिव लिला थापा र नगरपालिका एम.आई.एस अपरेटर सुदिप खत्रीले गर्नुभएको थियो ।