३ जनाले कोरोना जितेर घर फर्किए

 

म्याग्दी, १४ असार । म्याग्दीमा ३ जनाले कोरोना जितेर घर फर्किएका छन् । बेनीस्थित आईसोलेसनमा उपचाररत ४ जना कोरोना संक्रमितको दोस्रो पटकको पिसिआर परिक्षणको रिपोट नेगेटिभ आएपछि जसमध्ये आईतबार विहान ३ जनालाई खुल्लामञ्चको आईसोलेसन कक्षबाट घर पठाइएको हो ।

आइसोलेसनमा रहेका मध्ये ६ जनाको दोस्रो पटकको स्वाव परिक्षण गर्दा ४ जनाको रिपोट नेगेटिभ आएको स्वास्थ्य कार्यालय म्याग्दीका निमित्त प्रमुख एकनारायण लम्सालले जानकारी दिनुभयो । ४ जना मध्ये एकजना कोरोना जितेकी महिला छोरीको रिपोट पोजोटिभ आएपछि आईसोलेसनमा कुरेर बसिरहेकी निर्मित प्रमुख लम्सालले बताउनुभयो ।

प्रवासबाट आएर बेनीमा क्वारेन्टाइनमा रहेका उनीहरुलाई स्वाव पिसिर परिक्षण गर्दा कोरोना पोजोटिभ देखेपछि आइसोलेसनमा राखिएको थियो । उनका अनुसार हालसम्म म्याग्दीमा कोरोना संक्रमितको संख्या १४ जना पुगेको छ। कोरोना जितेका ६ जना मध्य ५ जना घर फर्किएका छन् ।