पर्वत बेनी–मल्लाज पदमार्गमा वृक्षारोपण

म्याग्दी ११ साउन । जलजला गाउँपालिकाको पर्वत बेनीदेखि मल्लाज जाने पदमार्गमा वृक्षारोपण गरिएको छ । लायन्स क्लब अफ बेनी मल्लाजको आयोजना र स्थानीय संघ संस्थाहरुको सहभागितामा गरिएको बृक्षारोपण कार्यक्रममा पदमार्गकाे दायाँ र बायाँ विभिन्न विरुवा रोपण गरिएको थियो । पदमार्गको सुरुवात हुने कालिपुलदेखि विश्रामस्थल सम्म सल्लो, सिसौ, रायखन्यु, फुल लगायतको विरुवा रोपण गरिएको क्लबका अध्यक्ष दिनेश बानियाँले जानकारी दिनुभयो ।

बृक्षारोपणमा क्लबका संस्थापक अध्यक्ष एवम जलजला गाउँपालिका ३ का वडा अध्यक्ष देवेन्द्र बहादुर भण्डारी (रवि) लगायत पर्बत बगर बेनी बजार सुधार समिति, उद्योग बाणिज्य संघ मल्लाज पर्बत , पर्बत खानेपानी सरसफाई तथा सह–लगानी आयोजना, काली गण्डकी आमा समुह र तत्व ज्ञान हिन्दू समाज लगायतका संघ संस्थाका प्रतिनिधिहरुको समेत सहभागिता रहेको थियो ।