ओखरबोटमा नेकपाको पूर्ण बैठक, काँग्रेस गाउँ इकाई सचिब नेकपामा प्रवेश

बेनी १४ जेठ । म्याग्दीको मालिका गाउँपालिका ४ ओखरबोटमा नेपाल कम्युनिष्ट पार्टी (नेकपा)को वडा कमिटिको पूर्ण बैठक मंगलवार सम्पन्न भएको छ । बैठकको अवसरमा नेकपाका जिल्ला कमिटि सदस्य रेशम जुग्जालीले नवगठित वडा कमिटिका पदाधीकारी र सदस्यहरुलाई सपथ ग्रहण गराउनुभएको थियो ।

सो अवसरमा नेपाली काँग्रेस ओखरबोट गाउँ इकाइ समितिका सचिब प्रेम सिउँथानी नेकपामा प्रवेश गर्नुभएको छ । सिउँथानीलाई नेकपा जिल्ला सदस्य जुग्जाली र नेकपा मालिका गाउँपालिका कमिटिका अध्यक्ष बेगप्रसाद गर्वुजाले अविर लगाएर स्वागत गर्नुभएको थियो ।

वडा कमिटि अध्यक्ष रेशम पुनको अध्यक्षता र सचिव गोविन्द कँडेलको सञ्चालनमा भएको कार्यक्रममा नेकपा जिल्ला सदस्य जुग्जाली, गाउँपालिका कमिटि अध्यक्ष गर्बुजा, र वडा अध्यक्ष दिलीप शेरचनले मन्तव्य राख्नुभएको थियो ।