पर्यटनमन्त्री सवार हेलिकप्टर सम्पर्कविहिन, खोज्न प्रहरी टोली परिचालन

काठमाडौं– संस्कृति पर्यटन तथा नागरिक उड्ययनमन्त्री रवीन्द्र अधिकारी सवार हेलिकप्टर सम्पर्कविहिन भएकाे छ । ताप्लेजुङको पाथिभरा मन्दीरको दर्शन गरेर काठमाडौं फर्किने क्रममा  हेलिकप्टर सम्पर्कविहीन भएको बताइएको छ । साे हेलिकप्टर दुर्घटनामा परेकाे अासंकामा  खोज्न प्रहरी टोली परिचालन गरिएको छ ।

नेपाल प्रहरीका प्रवक्ता उत्तमराज सुवेदीले एयर डाइनेष्टीको हेलिकप्टर खोजी गर्न सम्भावित क्षेत्रमा प्रहरी टोली परिचालन गरिएको  जानकारी दिए । यसैबीच गृह सचिव प्रेम कुमार राईले ताप्लेजुङको दारेढुंगामा एयर डाइनेस्टीको हेलिकप्टर दुर्घटनामा परेको खबर आएको जानकारी दिए ।  यद्यपी हेलिकप्टरमा पर्यटनमन्त्रीसहित अरु को–को थिए भन्नेबारे खुल्न बाँकी रहेको बताइएको छ ।