जयन्ती माविका भवन निर्माणको लागि यूएईबाट १ लाख १० हजार सहयोग ( नामावली सहित )

म्याग्दी, १७ असोज । बेनी नगरपालिका–३ भकिम्लीमा निर्माणधिन जयन्ती माविको भवनलाई युएईमा रहेका म्याग्देलिहरुले सहयोग गरेका छन् । युएईमा रहेका म्याग्देलिहरुको साझा संस्था म्याग्दी प्रवासी नेपाली संघ मोना युएईको अगुवाई र जयन्ती मावि भूपु विद्यार्थी संघ युएईका संयोजक होम क्षेत्रीको सक्रियतामा रु १ लाख बढी रकम विद्यालयलाई सहयोग गरिएको हो ।

युएईमा संकलन भएको रु १ लाख १० हजार ४८५ रुपैयाँ क्षेत्रीका पिता पदम बहादुर क्षेत्री मार्फत विद्यालय ब्यवस्थापन समितिका अध्यक्ष एवम् बेनपा ३ का वडा अध्यक्ष पदम पुनलई हस्तान्तरण गरिएको छ । समुदायको सक्रियतामा निर्माणधिन भवनलाई पूर्णता दिनका लागि सहयोग पुगोस भन्ने उदेश्यले आर्थिक संकलन गरि विद्यालयलाई उपलब्ध गराईएका मोना युएईका अध्यक्ष प्रकाश कार्कीले बताउनुभयो ।
करिव ३ करोडको लागत अनुमान सुरु गरिएको ३० कोठे भवन अन्र्तरगत अहिले १० वटा कोठाको काम भइरहेको छ ।विद्यालय ब्यवस्थापन समितिका अध्यक्ष पुनले आर्थिक अवस्था कमजोर भएपनि समुदायको सक्रियतामा चन्दा मार्फत नमुना भवन निर्माणको अभियानमा सहयोग गर्नेहरुलाई धन्यबाद दिँदै अझै आर्थिक आवश्यकता परेकाले सबै क्षेत्रबाट सक्दो सहयोगको अपेक्षा गरिएको बताउनुभयो

निर्माणधिन अवस्थामा रहेको भवनलाई जिल्ला शिक्षा कार्यालयबाट १९ लाख ५० हजार सहयोग भएको छ । भकिम्लीबाट यूके, बेल्जियम, स्पेन, अमेरिका, हङकङ लगाएतका देशमा पुगेकाहरूले च्यारेटी सो लगाएतका माध्यमबाट आर्थिक संकलन गरेका छन भने गाउँ र देशभित्र रहेकाले समेत आफ्नो क्षमता अनुसार आर्थिक सहयोग गरेको विद्यालयले जनाएको छ ।