बागलुङकाे ताराखोलामा जीप दुर्घटना हुँदा वडा सदस्यसहित दुईको मृत्यु

  • ३१ जेष्ठ २०७५, बिहीबार
  • दिल शिरीष
  • 231 पटक पढिएको

बागलुङ ३२ जेठ ।  बागलुङको ताराखोला गाउँपालिकाको अर्गलमा बिहीबार पिकअप  जीप दुर्घटना हुदाँ दुई जनाको घटनास्थलमै मृत्यु भएको छ । घुस्मेलीदेखि अर्गल भातखाने डाडाँ जादै गरेको ग १ ज ६०३४ नम्बरको गाडी दिउँँसो दुर्घटना हुदाँ ताराखोला गाउँपालिका ३ का २४  वर्षीय हेमन्त घिमिरे र सोही स्थानका ५४ वर्षीय हरिराम गिरीको ज्यान गएको प्रहरीले जनाएको छ ।

दुर्घटनामा ज्यान गुमाएका २४ वर्षीय घिमिरे वडा सदस्यसमेत हुन्   । दुर्घटनामा दुई जना गम्भीर घाइते भएका छन् । घाइते हुनेमा ताराखोला गाउँपालिका – ३ का २७ वर्षीय  जीप चालक डम्बरबहादुर घिमिरे र सोही स्थानका ४२ वर्षीय कर्ण भण्डारी रहेको जिल्ला प्रहरी कार्यालय बागलुङका प्रहरी नायव उपरीक्षक विश्वराजसिहं थापाले बताए ।

घाइते दुवैलाई उपचारका लागि गलकोट प्राथमिक स्वास्थ्य केन्द्र हरिचौर लगिएको छ । दुवैको अवस्था गम्भिर रहेको छ । दुर्घटनाग्रस्त गाडी सडकबाट करिब ४ सय मिटर तल खसेको थापाले बताए । दुर्घटनाको कारण खुल्न सकेको छैन ।

दिल शिरीष