बेनी अस्पताललाई मगर संघ इजरायलद्धारा रु १ लाख बराबरको सहयोग (फोटो फिचर)

म्याग्दी, ४ चैत । मगर संघ इजरायलले बेनी अस्पतालमा आबश्यक पर्ने सामाग्री खरिदको लागि रु १ लाख सहयोग गरेको छ । नेपाल मगर संघ म्याग्दीले आईतवार बेनीमा आयोजना गरेको एक कार्यक्रममा मगर संघ इजरायलका अध्यक्ष विष्णु पुन मगरले बेनी अस्पताल विकास समितिका अध्यक्ष माधव प्रसाद रेग्मीलाई उक्त रकम हस्तान्तरण गर्नुभएको थियो ।

मगर संघ म्याग्दीका अध्यक्ष थजालीको अध्यक्षता, उपाध्यक्ष डगमायाँ पाईजाको स्वागत र सचिब लोकेश पुन मगरको सञ्चालनमा सम्पन्न कार्यक्रममा मगर संघ इजारायलका अध्यक्ष विष्ण्ुा पुन मगरले मगर भाषाको उत्थान गर्ने प्रयोजनको लागि मगर संघ म्याग्दीलाई व्यक्तिगत रुपमा रु ५ हजार सहयोग समेत प्रदान गनुृभएको थियो ।

कार्यक्रममा म्याग्दीको मालिका गाउँपालिका अन्र्तगत रुम निवासी सहयोगदाता विष्णु पुन मगरलाई मगर संघ म्याग्दीले भव्य सम्मान समेत गरेको थियो । प्रवासमा रहेर पनि जिल्लामा आईपर्ने प्राकृतिक प्रकोप, सामुदायिक विद्यालयमा सहयोग, मगर भाषाको कला संस्कृतिको संरक्षण लगायतको विविध सामाजिक कार्यहरुमा सक्रियतापूर्वक सहयोग पु¥याउँदै आएको भन्दै मगर संघ इजरायलको अध्यक्ष समेत रहनुभएकी पुनलाइ अविर, माला र खादा लगाउँदै सम्मान पत्रद्धारा सम्मान गरिएको थियो ।